Kiyès nou ye ?

MWÈM.tv lanse nan mwa fevriye 2021, MWÈM.tv se yon platfòm sou entènèt pou difize videyo kiltirèl ak edikatif Ayisyen pwodwi pou Ayisyen. Atravè MWÈM.tv, Fondasyon an ap pouswiv misyon li ki se pwomosyon edikasyon atravè imaj li ofri ak bon jan divès kalite kontni pou yon odyans ki laj.

MWÈM.tv anrichi sektè medya nasyonal la nan ofri kontni ak deba ke li prezante an kreyòl ak fim ki fèt pa sineast ayisyen oswa reprezantan kilti ki sanble ak pa nou an. MWÈM.TV gen pou objaktif pou konsyantize ak edike itilizatè entènèt sou divès tèm sosyete a tankou sitwayènte, eritaj, istwa, anviwònman, sante ak dwa moun. MWÈM.TV envite piblik la an jeneral, espesyalman fanm ak timoun yo swiv tèm ki dedye a yo.

Lansman MWÈM.tv te finanse pa pwogram AROCH (Aksyon pou Ranfòse Òganizasyon Kiltirèl Ayisyen yo) epi li disponib an dirèk tout tan sou www.mwem.tv ak sou rezo sosyal yo.

Depi 2003, misyon Fondasyon MWÈM se pwomosyon eritaj ayisyen an avèk pwodiksyon miltimedya enfòmatif sou sosyete, kilti ak anviwònman. Atravè aksyon li yo, Fondasyon an vle ranfòse idantite nasyonal ak pataje imaj sa yo entènasyonalman.

Atravè pwogram li yo tankou Sinema Anba Zetwal (SAZ) ak MobiCINE, fim ak dokimantè karavàn, Fondasyon MWÈM te mezire chanjman konpòtman plis pase 300,000 espektatè nan tout peyi a. Via SAZ, Fondasyon an ofri yon sèn teyat ki ka vwayaje e ki sitou akeyi talan lokal ki renome oswa ki ka vinn gen renome.  An 2012, avèk sipò Inyon Ewopeyen ak patnè lokal li yo, Fondasyon MWÈM prezante Festival de l’Amitié nan Jakmèl. Anplis dènyèman, Fondasyon an te mete sou pye HaitiDOCs, yon pwogram pou sipèvizyon jèn kreatè ayisyen yo avèk DocMonde ak Studio Apache. Jodi a, Fondasyon an lanse MWÈM.TV, yon platfòm pou difize videyo kiltirèl ak edikatif sou entènèt.